Көптеген адамдар өгей баланы тәрбиелеу үшін – өз қалауың болу, жақсы көру, жылулық сыйлау, сүйіспеншілік пен қамқорлыққа бөлеу жеткілікті деп ойлайды. Шындығында, махаббат пен тілек жеткіліксіз болып шығады. Асырап алушы ата-аналар мектебі балаларды сүюге, жақсы көруге үйретпейді, оның міндеті басқа — асырап алынған баланың ата-анасы болу туралы саналы шешім қабылдауға көмектесу.
Асырап алушы ата — аналар мектебіндегі сабақтар ешкімді, ештеңеге міндеттемейді- әр адам бұдан әрі не істеу керектігін өзі шешеді: бала асырап ала ма, қамқорлыққа ала ма немесе бұл идеядан мүлдем бас тартуына да болады. Бірақ, егерде асырап алушы ата-аналар мектебінен өткендер бір күні ата –анасының қамқорлығынсыз қалған балаларды өз отбасына қабылдау туралы ойланса, мұны саналы түрде жасау керек, өйткені бұл балалар үшін-отбасы өмірдегі ең басты мәселе болып табылады. Сондықтан да асырап алушылар біреуге зиян келтірмеуі тиіс.
2020 жылғы 1 шілдеде шыққан Қазақстанда "Неке (ерлі – зайыптылық) және отбасы туралы" ҚР Кодексіне асырап алушы ата-аналарды міндетті психологиялық даярлау туралы жаңа норма күшіне енді. Асырап алушы ата –аналар мектебінен өткендігі туралы Сертификат енді бала асырап алғысы келетіндерге қажетті құжаттар тізіміне енгізілді. Бүгінгі күнге дейін балаларды қолдау орталығында 115 үміткер оқытылып, өзері қалаған сертификаттарға ие болды. Оқудан өткендер баланың қажеттіліктерін, оны қабылдау ерекшеліктерін жақсы түсіне алды, қиын жағдайларда онымен қалай қарым –қатынас жасауды, мінез-құлықты қалай қалыптастыруды үйренді. Қажет болған жағдайда асырап алушы ата-аналар психологиялық қолдау көрсетіледі. Бүгінгі таңда "Екібастұз қаласының өмірлік қиын жағдайдағы балаларды қолдау орталығы" КММ-де Асырап алушы ата –аналар мектебінен өткен үміткерлер 37 баланы өз отбасыларына қабылдады, оның ішінде: 30 бала қамқорлықта және жеті баланы асырап алды.