Білім сапасын арттыру «Ол неден құралады?» тақырыбында «Болашақ шеберханасы» іскерлік ойын форматында педагогикалық кеңес өтті. Педагогтер білім беру сапасына әсер ететін негізгі факторларды және оқушылардың ынтасын арттыру жолдарын талқылады.
Тақырыптың негізі болып отырған: оқуды қалай қызықты және қолжетімді етуге болады, балаларға алған білімдерін өмірде қолдануға қалай көмектесуге болады, орталық пен мектептің өзара әрекеттесуі әр баланың жетістігіне қалай ықпал ете алады, деген мәселелерге ерекше назар аударылды.
Педагогикалық кеңес алдында тәрбиеленушілер арасында сауалнама жүргізілді «Мен не үшін оқимы?», мұғалімдердің арасында «Менің балам мұғалімнің көзімен» және « Мен не үшін осы мамандықты таңдадым?». Сауалнамасы өткізілді. Педагогикалық кеңес отырысының соңында практикалық жұмыс нәтижесі балалардың дамуына және олардың сәтті әлеуметтенуіне бағытталған білім беру процесінің моделін –«Болашақ картасын» құру болды.
Біз маңызды миссияны орындаймыз: тек білім беріп қана қоймай, балаларға өздеріне сенуге, қабілеттерін ашуға және болашаққа деген сенімділікті арттыруға көмектесеміз. Біз тек бірлескен күш-жігермен ғана оқуды тиімді, қызықты және өмірге пайдалы ете аламыз.