2023 ж.25.08.Қазақстан Республикасының Конституциясы күніне арналған іс-шаралар аясында Екібастұз қаласы әкімдігінің мәдениет және спорт бөлімі балаларды қолдау орталығының тәрбиеленушілері үшін жекпе-жек мектебінің жаттықтырушыларымен кездесу ұйымдастырды. Балалар орындарынан тұрып, джиу-джитсудан әлем чемпионы МСМК - Диас Ергайыповты қуанышты жүзбен қарсы алды, ал ол болса өзінің тығыз жаттығу кестесінде қарамай балалармен кездесуге уақыт бөлді. Диас Ергайпов өзінің кәсіби мансабын 2015 жылы бастады және қазіргі уақытта 16 жекпе-жек өткізді, оның 13-ін жеңіп, 3-іне жеңілді. ACA, WFCA, ADW сияқты жарнамалық турнирлерге қатысты.
Жекпе-жекте Жүрғалбек Нұридинов, Азамат Корабоев, Нұрбай Мырзалиев секілді қарсыластармен кездесті. Балалар бір тыныспен чемпионды тыңдап, сұрақтар қойып, жеңімпаздардың белбеулерін, кубоктар мен медальдарды қызықтап қарады . Диас өз кезегінде өзінің спорттық мансабындағы құлдырау мен сәтсіздіктері туралы айтып, адами қасиеттердің маңыздылығын атап өтті. Оның айтуынша, нағыз спортшы дене күшінен басқа, адалдық, адамгершілік және әділдік сияқты қасиеттерге ие болуы керек. Жекпе-жек мектебінің жас чемпиондары мен жаттықтырушылары әртүрлі әдістер мен тәсілдерді көрсетті.
Кездесуді ұйымдастырғаны үшін Мәдениет және спорт бөлімінің маманы Г. Ж. Исинаға, бокс жаттықтырушысы Жүніс Даниярға, еркін күрес жаттықтырушысы Ерасыл Тәңірбергеновке және әрине, Диас Ерғайыповқа ерекше алғысымызды білдіреміз.