Орталықтың тәрбиеленушілері Мидинова Диана мен Довбыш Артем «Әкіммен бір күн»жобасына қатысты. Жоба жастарға кәсіби бағдар беру бойынша кешенді жұмыс бағыттарының бірі болып табылады.
«Үміт» балаларды қолдау орталығының тәрбиеленушілерімен кездесу барысында олар жергілікті атқарушы органның қызметімен танысу үшін менімен бір күн өткізуге келісті» - деді Екібастұз әкімі Аян Бейсекин.
Сондықтан №24 мектептің оқушылары Мидинова Диана мен Довбыш Артем үшін таң өте ерекше басталды.
Әкімдік қызметкерлерінің жұмысы тек кабинеттердегі кеңестер мен құжаттармен жұмыс жасауды ғана емес, сонымен қатар әртүрлі көшпелі кездесулер мен жиналыстарды да қамтиды. Жалпы, бір күн ішінде балалар қаланы дамыту бойынша кеңестерге, спорттық турнирге, абаттандыру бойынша айналма жолдарға барып, құрылыс нысандарына барды.
Жұмыс күнінің соңында балалар өз әсерлерімен бөлісті.
Диана биыл колледжге түсіп, бастауыш сынып мұғалімі болғысы келеді. Артем ағылшын тілін үйренуде жақсы жетістіктерге жетті, сондықтан ол да болашағын педагогикамен жоспарлайды.
«Мұғалім, әрине, асыл мамандық, сондықтан қойылған барлық міндеттерге қол жеткізуді тілеймін», - деп қорытындылады Аян Уахитұлы және балаларға естелік сыйлықтар табыс етті.