25 қараша күні "Балалар және өнер" жобасы аясында Павлодар облысының балалар үйлерінің тәрбиеленушілері, барлығы 25 бала "Астана Опера" театрының шақыруы бойынша елордамыз , арман қала Астанаға "Қалқаман - Мамыр"опера – балетін көру үшін келді.
Жобаның мақсаты-балаларды өнерді қабылдауға, эстетикалық қабылдауды, музыкалық мәдениетті дамытуға үйрету, жақсы талғам мен театрға деген сүйіспеншілікті ояту. Шақырылғандардың арасында "Екібастұз қаласының "Үміт" арнаулы әлеуметтік қызметтерге мұқтаж балаларды қолдау орталығы"КММ-нің төрт тәрбиеленушісі болды.
Балалардың барлығы сапар бағдарламасына енгізілген театрға саяхат барысында грек-римдік мотивтер мен қазақтың ұлттық дәстүрлерін біріктіретін интерьерге , әдемі мәрмәр баспалдақтар,үлкен зал, партер, ложаларға таң қалғандарын жарыса баяндады!
Кешке "Қалқаман-мамыр" Ұлттық опера балетін тамашалады . Қос ғашықтың оқиғасы вокалды орындау мен классикалық биді біріктіретін ерекше театр стилінде көрсетілді. Қойылымға опера, балет, хор және симфониялық оркестр солистері барлығы 200-ден астам әртіс қатысты! Балалардың пікірінше, бұл өте қызықты және ерекше көңіл қобалжытқан қойылым болды! Келесі күні балаларды үлкен тосын сый күтіп тұрды , олар "AiLand" аквапаркі ойын-сауық орталығына, Астананың "Бәйтерек" символына, Қазақстан Республикасының Ұлттық музейіне, ЭКСПО-дағы Болашақ энергиясы мұражайына барды.
Астанада өткізген екі күн балалардың есінде ұзақ уақыт сақталатыны сөзсіз. Балалар үлкен әсер алып, үйге жақсы көңіл-күймен оралумен қатар , ең бастысы, мемлекет өскелең ұрпаққа, олардың тәрбиесі мен дамуына үлкен көңіл бөлетінін түсінді. Біз тәрбиеленушілеріміздің "балалар мен өнер" жобасына қатысып, мәдениеттегі, ғылымдағы білімдерін кеңейтіп , ел мен тарихқа деген мақтанышты сезінгеніне өте қуаныштымыз.
Балалардың көңіл-күйін жақсартып, өміршеңдігін арттырып қана қоймай, оларға жақсылық пен сұлулық әлеміне енуге мүмкіндік берген осы таңғажайып, мейірімді және әдемі "Балалар мен өнер" жобасының ұйымдастырушыларына үлкен алғысымызды білдіреміз . Айта кетейік, іс-шара "Қатыгездік пен зорлық-зомбылықсыз балалық шақ" республикалық ақпараттық науқаны аясында өткізілді.